سکوت داها صمیمی دیر

کتاب"سکوت داها صمیمی دیر" /سلیم باب الله/انتشارات ساوالان ایگیدلری
سلیم باب الله، شاعر، یازیچی، شعر و ائسه لری بیر چوخ دنیا دیللرینه چئوریب؛ استانبول کتاب یارماکاسیندا (تویاپ، 2006؛ 2011)، م.د.ب یازارلارینین بین الخلق سمیناریندا (مسکو، پئرئدئلکینو، 2003؛ 2007)، مارکس فستیوالیندا (کیف، 2008) م.د.ب اؤلکه لری یارادیجی و علم آداملارینین یئددی فروموندا (عشق آباد، 2012) اشتراک ائدیب؛ گنج لر و ایدمان ناظرلیگینین «ایلین ان یاخشی ترجمه چیسی» (2002)، م.فضولی بین الخلق شعر یاریشماسینین ژوری اؤدولونو (آنکارا، ایلئسام، 2004)، «قیزیل قلم» (بیشکک، 2006)، مدنیت و توریزم ناظرلیگینین «قیزیل کلمه – شانس – باکی – 2009» اؤدول لرینی آلیب؛ «سالی آرت گروپ» ون دیپلومویلا (استانبول، 2006) تلطیف اولونوب، پریزیدئنت تقاعدچووسودور (2008)؛ و اونون ترجمه سینده ب.پاسترناک، زوهربرت، چ.میلوش، او.ولی، ف.ح.داغلارجا و ای.برودسکینین شعر کتابلاری ایشیق اوزو گؤروب.
«دنیا ادبیاتی» درگیسی نین باش یازاری، آذربایجان یازیچی لار بیرلیگی اداره هئیتینین، مرکزی آسیا قلم تشکیلاتی نین عوضوودور.
شعر کتابلاری - «تنها» (باکی، 1996)، «اییوندا اوخونان نغمه لر» (استانبول، ترکیه، 2006)، «اورک دؤیونتوسونه اتحاف» (وروسلاو، پولشا، 2007)، «اون»/ائ.زاللا بیرلیکده (باکی، 2008)، «لیمانا دوغرو» اورخان ولی نین بوتون شعرلرینین ترجمه سی/ (اورمو، ایران، 2009)، مخمری انقلاب (سئچیلمیش شعرلر) (تهران-ایران 2011) «کاپئللهاوسدا بیر آخشام»/ ائ.زال و ائ.حسین بیلی ایله بیرلیکده (باکی، 2009)، «الیاس قوجامین شکیل دفتری» (باکی، 2009)، «ماسکالی آداملارین هیمنی» (کیف، اوکراین، 2009)، «قارین شرحی» (تفلیس، گورجستان،2010)
سعید موغانلی: چاغداش قوزئی شعری اؤز نهنگ لرینین چیینینده دنیا ایله آیاقلاشماقدا، یورومکده دیر. یئنی یاشام آغریلارینی قارشیلاماق، داها گئرچکچی اولماق و کولتور سینیرلرینی آشماق اوچون مدرن یازی تخنیکاسی و آنلاتیم یؤنتملری، چاغداشلاشماق، یئنی لشمک سلیم بی ین گونوموزون ادبیاتینا وئردیگی ان اؤنملی شئی لردیر.
گیوی آلخازیشویلی: معاصر دنیا شعری نین زیروه لرینه باخاندا، فکریمجه آیدین اولور کی، سلیم باب الله ان یاخشی شاعرلردن بیری دیر و هامی نین اوخودوغو غربلی شاعرلردن هئچ ده گئریده قالمیر. من بونو فخرله دئییرم، چونکی اومنیم قونشوم، امکداشیم، دوغما قافقاز آدلی ائویمین ساکنی دیر.

سؤز 
(آنار معلمه)
یورغون_یورغون اوتوراسان،
گؤره سن کی، یئر فیرلانیر،
یئل سوپورورف یاغیش یویور،
بوتون یوللار صیفیرلانیر؛

سرّ ده سکوتون باشیندان
آلیر، گؤتورور دوواغی،
کاغیذین دوماغ بوینونا
سالیر سطیر بویونباغی:

اؤلنلر ساغدیر، دیریدیر،
دوستلارین دا داماغی چاغ –
سؤزدور، باخ، سنی کیریدیر
جمله – جمله، واراق – واراق.
مارت، 2012