عاقیل عابباسین " دولو " رومانی
رومان آذربایجانین قاراباغ یاراسینی، آجیسینی ، رئال بیر بیچیمده، بیر داها گوُز اوُنونده جانلاندیریر
آغدام شهرینده جاماعاتین باشینا دولو کیمی توپ مرمیلری ، خومپارالار یاغیر، شهرین جاوانلاری کونوللو اولاراق، اللرینه سلاح آلاراق، ائرمنیلرین قارشیسینی آلماغا چالیشیرلار، آذربایجانین باشقا شهرلریندن ده غیرتلی ایگیدلر بونلارا قوشولور، آمما یئترینجه سلاحلاری یوخدو، دایاندولدوروم توفنگلرله، ائرمنی تانگینین قاباغیندا نئجه دایانماق اولار، غیرتلی جاوانلار گئری چکیلمیر، گونده نئچه شهیدلری وار ...
( رومان متنیندن )
(دوُیوش چوخ آغیر گئدیردی. فرمانده تئز- تئز اوشاقلارا خبر گوُندریردی: غیرتیزه قوربان اولوم! محکم دایانین! آرخامیزدا آنا-باجیلاریمیزدی!
آمما غیرت بدبختاوغلو نئیلهسین! غیرتین گوجو کاتیوشانین، مسلسلین قارشیسیندا چوخ عاجز ایدی. غیرت نه قدر اوُزونو اوُلدوروردو، گوجو تانکین گوجونه چاتمیردی. غیرتین گوجو سینهسی ایله او گوللهنین، او مرمینین قارشیسینا سپر اولماغا چاتیردی، بو تورپاغین یولوندا اوُلمهیه چاتیردی و اوُلوردو. و غیرت سینهسینی گرمیشدی دشمن گوللهسینین قاباغینا...)
کوُنوللو ایگیدلر، بورا بیزیم چاناققالامیزدی، گئرییه دوُندو یوخدو، دئیه، دشمنین آغیر سلاحلاری قارشیسیندا سینه گرمیشدیلر، آمما بیر اویون کیمی سئناریونو باشقا آداملار یازیردی، یوخاریداکی آغالار اردونو گئری چکیردیلر، بونون قاباغیندا دوران فرماندهی توتوقلاییب محکمهیه چکیرلر.
ائرمنیلر ، روس قوشونونون یاردیمیلا آغداما کئچیرلر، کوُنوللو، غیرتلی جاوانلار گئری چکیلمیر، هامیسی شهید اولور
رومانین ایکینجی بوُلومو، قاچقینلارین چادیرلاردا ، شهرلرده نئجه یاشاماغی، ایش آختارماقلاری، یوخسوللوغا دوشمکلری ... فرماندهین باشینا گلنلری ، آنلاتیر
رومانین، گوُزل و آخیجی دیلی وار ، متنده، چوخلو دئییم و آتالارسوُزو ایشلهنیب.
آمما ندنسه چوخ قونولار یئترینجه آچیقلانماییب، دئمک اولار چوخلو اولایلار یازیلیب، بئله دئمک اولار: یازیچی، اورانین سیاسی دورومونا گوُره قلمینی چوخ قیسیب، بو رومان بوندان چوخ گئنیش اولا بیلردی.
اوُرنک اوچون: چادیردا قاچقینلار اوچون دونیانین هر بیر یانیندان یاردیم گتیریرلر،
ایکینجی دونیا ساواشیندا " مازدوک" دان " برلین" هدک پیادا گئدن و آیاغینین بیرینی ده بو یولدا ایتیرن کیشی ، آلدیغی مداللاری کوتونا تاخیب گئدنده بیری دئییر: گلنلر ژرمندی ، بونلاری گوُرسهلر آجیقلاری گلر، کیشی ده قاییدیب مداللاری سویونور .
بونو چوخ آچیقلاق اولاردی،
بیر گون روسلارلا بیرلیکده فاشیزمه قارشی دوُیوشن آذربایجانلینی، ایندی ائله او اومانیست روس ، فاشیست داشناک.لارلا بیرلیکده سورگون ائدیر، تورپاغین آلیر ،
رومانین کاراکترلرینین بیرینده بو قونونو قابارتماق اولاردی.
رومانی تنقید یوخ، نانیتدیرماق ایستهدیم،
عاقیل عابباسین " دولو " آدلی رومانی اوخوماغا دهیر ، گوُزل و آخیجی دیلی وار ، و قاراباغ !