آیریلیق
درین اوزونتو ایله، آذربایجان خالق شاعیری، آیریلیق ماهنی سینین یارادیجیسی رجب براهیمی (فرهاد)83یاشیندا،حیاتین دگیشدی.
ائوده آل بو آغیر ایتگینی فرهاد معلمین عاییله سینه و بوتون مدنیت جامعه سینه باش ساغلیغی دئییر.
آیریلیق
فیکریندن گئجه‌لر یاتا بیلمیرم
بو فیکری باشیمدان آتا بیلمیرم
نئیله‌ییم کی سنه چاتا بیلمیرم
آیریلیق، آیریلیق، آمان آیریلیق
هر بیر درددن اولور یامان آیریلیق
..............................
اوزوندور هجرینده قارا گئجه‌لر
بیلمیرم من گئدیم هارا گئجه‌لر
ووروبدور قلبیمه یارا گئجه‌لر
آیریلیق، آیریلیق، آمان آیریلیق
هر بیر درددن اولور یامان آیریلیق
..............................
یادیما دوشنده آلا گؤزلرین
گؤیده اولدوزلاردان آللام خبرین
نئیله‌ییم کسیبدیر مندن نظرین
آیریلیق، آیریلیق، آمان آیریلیق
هر بیر درددن اولور یامان آیریلیق
..............................
آیریلیق دردینی چکمه‌ین بیلمز
یاردان آیری دوشن گؤزیاشین سیلمز
دئییرلر انتظار خسته‌سی اؤلمز
آیریلیق، آیریلیق، آمان آیریلیق
هر بیر درددن اولور یامان آیریلیق
نئجه کی ائلیمده آیری دوشندن
سورار بیر بیرینی گؤروب بیلندن
حسرتله سیزلایار دایم بو غمدن
آیریلیق، آیریلیق، آمان آیریلیق
هر بیر درددن اولور یامان آیریلیق
..............................
ایللردی اوزاغام آرخام ائلیمدن
بولبولم دوشموشم آیری گولومدن
جور ایله آییریب شیرین دیلیمدن
آیریلیق، آیریلیق، آمان آیریلیق
هر بیر درددن اولور یامان آیریلیق
..............................
اولوبدور بیگانه یاریم یولداشیم
غریبه ساییلیر سئوگیم سیرداشیم
بو جاوان چاغیمدا آغاردیب باشیم
آیریلیق، آیریلیق، آمان آیریلیق
هر بیر درددن اولور یامان آیریلیق
..............................
منی آغلاداندان گولوش ایسترم
آیری دوشه‌نیمله گؤروش ایسترم
حاصاری ییخماغا یوروش ایسترم
آیریلیق، آیریلیق، آمان آیریلیق
هر بیر درددن اولور یامان آیریلیق
..............................
سئوگیسی اولوبدور شأنی فرهادین
سئوگیسی هاردادیر هانی فرهادین
دئیه رک، چیخاجاق جانی فرهادین
آیریلیق، آیریلیق، آمان آیریلیق
هر بیر درددن اولور یامان آیریلیق
