آذربایجان یازیچیلار بیرلییینین «قیزیلقلم» جایزهسینین غالیبلری بللی اولدو.
آذربایجاندا هر ایکی ایلدن بیر یازیچیلار، شاعرلر، ترجمهچیلر، تنقیدچیلر، پیئسیازانلار، آراشدیریجیلار و ژورنالیستلر اوچون «قیزیلقلم» جایزهسی وئریلیر. بو ایلین قیزیل قلم برندهلری معینلَشدی.
آلتمیش نفر سئچیلمیش صنعتکارین آراسیندا بیر نفر (شاعیر-ژورنالیست-ناشیر) ده (سعید موغانلی) ایران آذربایجانیندان وار.
بو ایل گؤرکملی اجتماعی خادم، ژورنالیست، پئداقوق، يازیچی، تورکولوق احمدبَي آغا اوغلونون 150 ایللیک يوبیلئيیی قئيد اولوناجاقدیر. آذربایجان يازیچیلار بیرلیینین رهبرلییی آذربایجان ادبیاتینین خارجده تبلیغی ایله مشغول اولان، ائلهجه ده دونيا ادبی نمونهلرینی دیلیمیزه چئویرمیش، همچنین ادبی علاقهلر ساحهسینده مهم ایشلر گؤرموش بیر قروپ یازیچی، ترجمهچی، ناشر و ادیب اوچون اییرمینجی عصر آذربایجان مدنی-اجتماعی فیکرینده درین ایز قويموش متفکر احمدبَي آغا اوغلونون آدینی داشیيان فخری دیپلم و اؤزل اؤدول تقدیم ائدهجکدیر.
۱- مسیحآغا محمّدی
۲- پروفسور جوانشیر يوسفلی
۳- سيفالدین حسینلی
۴- الهه کریماووا
۵- سعید موغانلی