ماوی سوررئال بویام
ماوی سوررئال بویام
(لیریک شعر مجموعه سی)
کیان خیاو
ناشر: پارلاق قلم
144 صفحه
بیرینجی چاپ 1399
شابک: 6-29-6993-622-978
ماهنی سیز و تابلوسوز
سنی بیر ماهنیدا گؤردوم، یانیلماسام
بیر رسیم تابلوسوندا ائشیتدیم
بیر فرمان کیمی دئشیردین قولاغیمی
گؤزومده قاتیللر کیمی یورویرکن.
اؤلومدن باشقا بیر نه سن ن یوخ ایدی
و منیم قوردوغوم سئودا دونیاسی
سنین قارانلیق اللرینده سؤنوردو ...
ایندی هر ماهنییا بیر آه چکه ره م
و هر بیر تابلو اؤنونده،
حسرتلی بیر بویون بوکوشوم وار ...
ایلکینیندن عاغلیم اولسایدی
ماهنی سیز و تابلوسوز یاشاسایدیم!
یوخسا ونسان ونقوک کیمی
دینله سه یدیم تابلولاری!
یوخسا ویکتور خارا کیمی
گؤرسه یدیم ماهنیلاری!...
مرداد آیی 1381