آذربایجان ناغیل لاری 1
آذربایجان ناغیل لاری
آذربایجانین فولکولور اوجاقلارینین بیری ده، اونون اورتا بولگه سی اولان قاراداغ ماحالی دیر. بو گونه دک هله ده اون سککیز ماحالدان یارانان قاراداغ بولگه لرینی دولانیب، اونون بوتون فولکولور عنصرلرینی توپلاییب آراشدیرما اوجاقلارینا و یا چاپ اوجاقلارینا تاپشیران اولمامیشدیر. بو آغیر ایشه یقین کی آکادمیک امکانلاری اولان بیلیم و آراشدیرما اوجاقلاری قول قویاجاقلار. آمما ایندیلیکده بعضا فولکولور عنصرلریمیزی آراشدیرماغا و اونلاری توپلاماغا چیرمالان فداکار انسانلارلا راتلاشیریق. قاراداغدا سینه دن سینه یه کئچن و هله ده یالنیز خلقین یازیسیز یادداشیندا یاشایان ملی ثروتلریمیزی توپلاماغا و اونلاری گله جک سویلاریمیزا تاپشیرمادا، اوتن اون ایلدن بری داها آرتیق تلاش گوسترمیش و بو آغیر ایشین عهده سیندن اوغورلا گله بیلن قلمداشیمیز جناب قنبرسیفی جنابلاری دیر. اونون بو آغیر ایشه اورکدن گیریشمه سی چوخ آز حاللاردا تیکرار اولا بیلن بیر چالیشمادیر.