سهراب سپهری
سئچیلمیش شعرلر
تورکجهمیزه چئویرن: مسیآغامحمدی
حاضیرلایان: سعید موغانلی
باکی نشرینین اوزوندن
(باکی یازیچیلار بیرلییی)
تکدرخت یایینائوی
تهران ۱۳۹۴ / آذر آیی
شابک: 7-65-6646-600978
نمونه ای از شعرهای این کتاب ...
ایشیق، من، گول، سو
بولودیوخ
کولک یوخ
یئریم حوضین قیراغی:
بتلیقلارین فیرلانماسی، ایشیق، من، گول، سو.
حیات سالخیمی نین پاکلیغی
آنام ریحان دریر.
چوره ک، ریحان و پئندیر، بولودسوز سما، تر یاشیللیقلار.
نجات یاخیندا: حیطده کی گوللرین آراسیندا.
ایشیق میس کاسادا نه نوازیشلر گوستریر!
نردیوان دیوارین اوستونه قالخیب سحری یئر اوزونه گتیریر.
هر شئی بیر تبسمون آرخاسیندا گیزله نیب.
زمان دیواریندا بیر یاریق وار، اوردان منیم اوزوم گورونور.
ائله شئیلر وار کی، بیلمیرم.
بیلیرم، بیر اوتو یولسام، اولرم.
یوخاری، زیروه یه قالخیرام، من قانادلا دولویام.
ظلمتده یولو گورورم، من چیراقلا دولویام.
من ایشیق و قوملا دولویام،
و اوتلا، آغاجلا دولویام.
دولویام یوللا، کورپویله، چایلا، داللغایلا.
دولویام بیر یارپاغین سوداکی کولگه سی ایله:
ایچیم نئجه ده تنهادیر.