اسطوره لرین کؤچو، قویونلار و چوبانلار
اسطوره لرین کؤچو، قویونلار و چوبانلار
تورک تاریخ اسطوره شناسلیغینا گیریش
اکبر ن.نجف
کؤچورن: میلاد تیموری
ناشر: طغرل
چاپ اول 1397
340 صفحه
شابک: 6-50-9897-600-978
چوبان اولاراق پیغمبر، کرال، حکمدار، شاه و سلطانین باشچیلیق ائتدیگی سورو، یعنی خالق آنلاییشی 19-جو عصره قدر سیاست علمی نین آنا مئتافورو ایدی. قدیم مصر فرعونلاری، سومئر کرال لاری، بابیل ایمپئراتورلاری، میدیا حکمدارلاری، تورک خاقانلاری، صفوی شاهلاری، عثمانلی سلطانلاری، روس چارلاری، حتی اینگیلیس و فرانسیز کرال لاری اؤز خالقلاری نین چوبانی آدلاندیریلیردی. تاج قویما مراسمینده حکمدارین الینده توتدوغو عصا، باشیندا کی تاج چوبانلیق رمزی ایدی. اونلار «انسانلارین چوبانی» تیتولونو داشیییردیلار.
تورکلرین ان بؤیوک ایمپئریاسی نین آدی اولان هون «قویون» دئمکدیر. تورکلرین تاریخده یاراتدیغی دولتلر (هون، آغ هون، قاراهون، آغ قویونلو، قاراقویونلو) و طایفه اتفاقلاری (بارانلی، برندئی، قیزیل کئچیلی، قاری کئچیلی، قاراجاقویونلو، آغجاقویونلو) محض قویون آدی داشی ییبلار.