جزا کؤینه یی
جزا کؤینه یی
خلیل رضا اولوتورک
حاضیرلایان: یالچین تورکای
رئداکته: دکتر امیر جعفرپور
ناشر: آذر توران - نباتی
بیرینجی چاپ 1398
414 صفحه
شابک: 3-33-6063-622-978
تانینمیش تنقیدچی - ادبیات شناس، یاشار قارایئوین بو صمیمی سؤزلری آذربایجان خالیقینین ان آغیر دردلرینین، اَن عمده آرزولاری و مقدس ایستک لرینین سالنامه سینی یازان، اونون آزادلیغی اوغروندا مبارزه ده خصوصی خدمت لر گؤسترن شاعیر «خلیل رضا اولوتورک» ون یارادیجی لیغینی گؤزل سجیه لندیریر.
«خلیل رضا اولوتورک» کئچن عصرین 50-ینجی ایل لرینده یاادیجی لیغا باشلامیش، 60-70-ینجی ایل لرده بیر صنعتکار کیمی پخته لشمیش، 80-90- ینجی ایل لرده آذربایجانین آزادلیغی و استقلالیتی اوغروندا مبارزه نی یارادیجی لیق و وطنداش لیق آمالینا چئویرمیش گؤرکملی خالق شاعیری دیر. خلیل رضانین یارادیجی لیغی ایلک ایل لریندن ادبی اجتماعیتین دقتینی جلب ائتمیش، ممد عارف، ممد جعقر جعفروف، یاشار قارایئو، اکبر آغایئو، قولو خلیلوف، شامل سلمانوف، بو سطرلرین مؤلیفی و دیگر عالم لر اونون اثرلری حاقیندا تقدیر ائدیجی علمی قناعت لرینی سؤیله میشلر.