آلما موغانلی
آلما موغانلی۱۳۶۹-جی ایلده، تهراندا موغانلی بیر عاییلهده آنادان اولموب. همن شهرده هستهای مهندسلیک اوزره لیسانس و فیزیک ساحسیندهیوکسک لیسانس آلیب. تورکیه تورکجهسی، فیزیک و ریاضی اؤیرتمنیدیر. آلما ۱۵یاشیندا شعر یازماغا باشلاییب و ۱۳۸۶-جی ایلده ایلک شعر توپلوسو "پیچاقلانمیش هئیوا" آدی ایلهیاشماق سیرا کیتابلاریندان ایشیق اوزو گؤرموشدور و ۱۳۹۷-جی ایلده " دونیا گیردکان قوخویور " آدلی ایکینجی شعر توپلوسو پایتختیایین ائویندنیاینلانیب. "باش چیخاران اؤلوم" ،"آغ مقبرهلرین شاعیری"،"باشقا بیر ماوی گؤی" شعر آنتولوژیلرینده و باکیدا بیر نئچه کیتابدا، شعرلریندن بیر نئچه اؤرنک وئریلمیشدیر. اونون بیرنئچه شعرینین فارسجایا چئویریسی "سایه نقرهای" آدلی کیتابدایاینلانیب. یاشماق سیرا کیتابلاریندان آذربایجان مدرن شعر اوزهرینده چالیشان شاعیری سایین راسیم قاراجانین "اؤلوم حاققیندا گونش" آدلی کیتابینی کؤچوروب، "قیرخ شاعیر بیر دوعا" آدلی کیتابینین تایپ و حاضیرلاما ایشلرینی گؤروب، آذربایجانین ان یاخشییازیچیلاریندان آفاق مسعودون "اوزو ایشیغا" آدلی رومانی،۱۳۴۰ و ۵۰-جی ایللردن سئچیلمیش شعرلر کیتابی اولان "داغینیق دالغالار" و "یوموروغومدا اولدوزلار" کیتابینی حاضیرلاییب.
یاشماق و گونش ژورناللاریندایازیچیلار هئیتینده چالیشیب و اونون شعرلری ایراندا و باشقا بیر نئچه اولکهده بیر چوخ قزئتده و ژورنالدا یایینلانیب. اونلارین آراسیندایارپاق قزئتی،یاشماق، دیلماج و آذری ژورناللاری، حیدر بابا و آفتاب درگیلری، خدافرین،یاشاییش، آغری و اولدوز قزئتلری، کانادادا حئیدر بابا درگیسی و تورکیهده کاردئش کالئملر و وارلیق ژورنالاریندان آد آپارماق اولار.
آلما بیر نئچه ادبی فئستیوالدا، گنج شاعیرلر آراسیندا اؤدوللندیریلیب.سون ایللرده نثر یازماغا باشلاییب اونون تورکجه قیسسا اؤیکولری ایرانین رسمی تلویزیون کانالینین بیرینده " برکه کاشی" پروگرامیندا اؤز دیلیندن اوخونوب. حیکایهلریندن بیر نئچهسی آذری ژورنالیندا و مهد تمدن قزئتیندهیایینلانیب. ۱۳۹۶-جی ایلده باکیدا قورولان "مؤولود مؤولود موکافاتی" آدلی حیکایه فئستیوالیندا اونون "قیرمیزی دون" آدلی حیکایهسی ایلک اونلوقدا یئر آلیب.
آلما عئینی زاماندا آذربایجان خالق اویونلاری و موسیقیسی ایلهده ایلگیلهنیر.